Председатель  Духовного управления мусульман Российской Федерации  и Совета муфтиев России муфтий шейх Равиль Гайнутдин поздравил руководителя мусульманской общины Финляндии Гольтен Бадретдин с днем рождения:

Мөхтәрәм Гөлтән ханым!

Россия Федерациясе мөселманнары Диния нәзарәте, Россия Мөфтиләр шурасы һәм шәхсән үз исемемнән Сезне туган көнегез уңаеннан ихластан котлыйм. Аллаһ Раббыбыздан Сезгә җан һәм тән сәламәтлеге, хәерле-бәракәтле гөмер бирүен дога кылып сорыйм.

Соңгы елларда без шатланып күзәтә торган Финляндия татарлары җәмгыятендәге яңарыш, җанлануына да рухи яктан Сезнең зур өлешегез кертелә. Мәхәлләгез исламиятне һәм рухилыкны саклый торып, Европа җәмгыятенең табигый бер вәкиле буларак танылып тора. 

Киләчәктә дә эшегездә һәм тормышыгызда халкыбызга, динебезгә файдалы булып озын-озак еллар яшәгез.

Башкарылачак изге эшләрегез өчен Ходай Сезне ризалыгыннан һәм мәрхәмәтеннән ташламасын!

Зур хөрмәт һәм изге догалар белән,

Мөфти шәех Равил Гайнетдин 

Россия Федерациясе мөселманнары Диния нәзарәте,

Россия мөфтиләр шурасы рәисе